Khizaa.N

havaa kii aavaaz
Khushk patto.n kii sar_saraahaT se bhar ga_ii
rosh-rosh par fataadaa phuulo.n ne
laakho.n nauhe jagaa diye hai.n

sileTii shuaaye.n
buland pe.Do.n par Gul machaate
siyaah kau_o.n kii qaafilo.n se aTii hu_ii hai.n
har ek jaanib Khizaa.N ke qaasid lapak rahe hai.n
har ek jaanib Khizaa.N kii aavaaz guu.Njatii hai

har ek bastii kashaakash-e-marg-o-zindagii se niDhaal hokar
musaafiro.n ko pukaaratii hai ki - aao
mujh ko Khizaa.N ke bemahar
talKh ehasaas se bachaao